Lítil snúlla fæddist í nótt. Hún er rauðskjótt algjör dúllurass og ég er í skýjunum Þetta verður algjör stjarna. Hún er undan Hróð frá Refsstöðum og er svo falleg og svo flott á litin. Rauðskjótt er uppáhaldsliturinn minn og ég vildi rauðskjótta meri og fékk það sem ég vildi.  Ótrúlegt ég virðist alltaf fá það sem ég vil haha. 

 En núna þarf ég að finna nafn og það á að vera eitthvað flott og spes. Ef einhver er með hugmynd að flottu nafni endilega láta mig vita '' Heimsmeistarar 2017 í tölti eru Aníta og ?????'' nei nei ég segi bara svona það má láta sig dreyma...

Ég nenni ekki að skrifa heilt blogg þannig ég ætla bara að skrifa nokkra punkta:

- Fór í reiðtúr í dag með Villu frá Fák og upp á Leirur í Mosó. Tókum 2 til reiðar og riðum í geggjuðu veðri. Skildum hestana eftir og förum aftur á morgun til baka.

- Fer á Mývatn á fimmtudaginn í útilegu með Ásgeiri að hitta Evu og verð yfir helgina í svaka djammi í skóginum og verð í tjaldi (ó mæ gad) 8 Það er víst rosa djamm alltaf þarna þessa helgi og fullt af fólki.

- Fór á djammið um helgina og datt aftur niður stiga. Veit ekki hvað þetta er með mig og stiga er að spá að halda mig bara á neðri hæðinni á skemmtistöðum framvegis.

- Er að skrifa ritgerð og rannsókn um hestasund og hvernig áhrif sund hefur á hesta fyrir ‘hestahvíslara’ prófið í haust.

- Verð alla næstu viku í hestasundlauginni að rannsaka hrossin og mæla púlsinn og solleiðis.

- Er komin með geggjaðar flottar grænar og bláar linsur bara til að breyta aðeins lúkkinu.

- Brann í ljósum um daginn og er með flottasta nærbuxna far í heimi á rassinum.

- Er líklegast að fara til Hollands í ágúst á Heimsmeistaramót Íslenskra hesta.

- Er að fara á Dale Carnegie námskeið í september að læra að halda ræður fyrir framan hundrað manns. Ég get það alveg ég vil bara vera geðveikt góð í því svo ræðan mín í haust (á ensku) verði smart.

- Merin mín er alveg að fara kasta. Verður rosa spennandi hvernig folaldið verður. Verður örugglega mikið skjótt.

Bæ og knús til allra!!

Loksins nenni ég að blogga aftur. Ég er allavega komin frá Englandi og er núna búin með öll námskeiðin sem ég þarf að klára fyrir prófið í haust. Þetta voru mjög skemmtileg námskeið fyrsta var í fóðrunar og næringarfræði sem var reyndar mjög erfitt þar sem allt var á ensku en sem betur fer er ég búin að læra þetta allt á Hólum þannig þetta var líka bara upprifjun. Næsti dagur var “the horse as an athlete,, eða hesturinn eins og íþróttamaðurinn og var um lífeðlisfræði hrossa og hvernig líkaminn virkar við þjálfun og álag. Helgina eftir þetta var “ Stud practise og Foal handling og var um stóðhesta, merar, folöld, fyljanir og hvernig æxlunarfærin virka. Svo vorum við að læra hvernig ætti að venja folöld við snertingu frá manninum án þess að vera með einhver læti eins og vill oft verða hjá fólki. Þau voru ekkert smá sæt við vorum með 3 folöld, Heitblóðshestakyn, Skírisklár (Enskt dráttarklárskyn) og Velskan Cobb.

Kennarinn minn hann Ian Vanderberg er einn mesti snillingur sem ég hef kynnst. Hann er fyrsti “instructorinn” hans Montys hestahvíslara og er aðstoðarmaður hans og algjör náttúru hestamaður hvað varðar líffræði, sjúkdóma í hrossum og byggingu hrossa. Hann veit ALLT um hesta og dýralæknar leita til hans þegar þeir eru í vandræðum. Svo er hann líka geggjað skemmtilegur kennari og ekki eðlilega fyndinn.

En anyways næsta skrefið í þessum málum mínum er að sækja um prófið sem er í nóvember og það er 7 daga próf bæði verklegt og bóklegt svo þarf ég að skrifa ritgerð og gera rannsókn um eitthvað tengt atferlisfræði, sálfræði, hegðun eða hegðunarvandamálum hrossa og á að halda ræðu um það. Þetta verður erfiðasa próf sem ég hef tekið á ævinni en þetta er bara áskorun á mann. Maður hefur gott af þessu. Ef einhver getur sagt mér hvernig á að gera rannsókn þá væri það frábært. Hef ekki hugmynd hvernig það er gert.

Ég þarf að fara að senda video út til að sækja um prófið þar sem ég þarf að gera 3 join up, 2 bara join up og 1 þar sem ég set hnakk á og knapa. Þið vitið örugglega ekki öll hvað join up er en ég útskýri seinna hvað það er. Svo fæ ég svar í ágúst hvort ég fæ að taka prófið eða ekki.

En allavegana þá var geggjað stuð í London ég var þar á virku dögunum og Árni passaði sko að Anítu sinni leiddist ekki fór með hana á alla pöbbana og djammið og hjálpaði henni að kaupa tölvu og þegar Anítan villtist (sem gerðist oft) hjálpaði hann henni að finna leið sína aftur enda varð maðurinn líka útkeyrður eftir þennan erfiða djamm gest og svaf í 3 daga eftir að hún fór.

En toppnum á ferðinni var náð (eða kannski betra að segja botninum var náð) þegar Anítus litla fór á djammið síðasta kvöldið í Englendinga landi og var rekin af skemmtistað fyrir að vera OF FULL! Af því ég datt aðeins í stiganum og þá kom bara dyravörður og bara út með fylliraftinn! Og ég orðin alveg brjáluð út af þessum dónaskap í gaurnum en ég bara gat ekki verið brjáluð þar sem ég var svo full þannig ég fór bara í fýlu í staðinn.

Þá var málið sko ef ég mundi detta á hausinn og fá gat á hausinn þá gæti ég kært staðinn eitthvað svona kjaftæði! Ég held það sé nú bara mér að kenna ef ég fæ gat á hausinn og engum öðrum! Hvar er bissness vitið í þessi liði! Staðurinn er að græða á fulla fólkinu og starfsfólkið er að fá launin sín af því. Ohhh hálfvitar í útlendingalandi.

En allavega það var rosa gaman að fara grútþunn í flugvélina daginn eftir, mér hefur aldrei liðið betur.

En svo er ég loksins búin að kaupa mér tölvu og núna er ég föst við hana á kvöldin þess vegna er þetta blogg svo langt ég get ekki hætt að vera í nýju tölvunni minni. Það er allt það nýjasta í henni, nýjasta windows bla bla bla og nýjasta tölvu eitthvað bla bla bla man ekki alveg. En nú er ég hætt látið í ykkur heyra!

Jæja á morgun fer ég til Englands í 12 daga á námskeið í fóðrun og næringarfræði og hitt námskeiðið er um stóðhesta og eitthvað í sambandi við fyljanir. Ég verð að viðurkenna ég veit ekki alveg allt hvað ég er að fara læra en þetta eru námskeið sem ég verð að taka í sambandi við Monty Roberts gráðuna sem ég er að reyna að ná. Þetta eru 2 helgar sem ég verð á námskeiðunum rétt hjá Oxford svo verð ég á virku dögunum í London og hann Árni er svo góður hann ætlar að leyfa mér að búa hjá sér í London og við ætlum að gera eitthvað skemmtilegt þar skoða eitthvað og fara á djammið en ég er að spá að versla ekkert ég á of mikið af fötum núna eftir ég kom heim frá Ameríku og ég er ekki búin að nota helminginn eftir ég kom heim haha.

Svo kem ég heim 22.maí og við Inga eigandi Nasa erum að spá í að fara til Portúgal í byrjun Júní að heimsækja Láru í eina viku við söknum hennar svo mikið Erum að fara að ákveða á eftir hvenær við eigum að fara.

Ef einhver sem er í hestunum les þetta þá erum við Villa að auglýsa eftir tamningaraðstöðu nálægt Rvk þar sem við ætlum að taka hesta í tamningu og þjálfun í sumar og vinna sjálfstætt. Ef þið vitið um eitthvað endilega látið okkur vita.

Ég er farin að pakka! Bæ!

Það verður haldið kveðjupartý á Nasa á laugardaginn þar sem besta besta besta vinkona mín í öllum heiminum er að fara til Portúgal í langan tíma

Það er búið að bjóða öllum Reykjavíkur bæ (næstum því) og það á eftir að verða geðveikt stuð. Ég vona við höfum ekki gleymt að bjóða neinum þannig ef við gleymdum að bjóða þér (sorry) hafðu þá samband við okkur.

Þetta er líka smá kveðjupartý hjá mér af því ég er að fara til Englands í 12 daga í næstu viku. Nei djókur! haha

PARTY ON!!!!!!!!!!!!!!

Þar er vidjóið af kvöldsýningunni í Pennsylvaniu. Ég er á brúnskjótta hestinum (svarta og hvíta hestinum) 

Það var geggjað í San Francisco þetta er æðisleg borg. Ég mæli með að allir fari þangað. Við gerðum alveg helling skemmtilegt t. d. versluðum (auðvitað), djömmuðum, fórum í bæ rétt hjá San Fran sem heitir Santa Cruz, fórum út að borða, keyrðum út um allt og sáum alla borgina og kíktum á búgarða með íslenskum hestum. Við riðum ekki út á ströndinni eins og við ætluðum að gera af því það var of mikið flóð. Svo þurftum við að vera einn auka dag af því fluginu okkar heim var aflýst. 

 Það er sýning í Ohio um helgina sem er risastór hestasýning, sú stærsta í Ameríku og við erum að fara sýna förum á föstudaginn eldsnemma sýnum 1 sinni á föstudaginn og svo 2svar á laugardaginn. Ég verð á grárri meri sem heitir Una og er djöfull góð meri.  Svo á þriðjudaginn fer ég heim!! Þetta er búið að vera ótrúlega fljótt að líða. Held ég nenni ekkert að blogga mikið eftir að ég kem heim þetta er bara gaman þegar maður fer til útlanda í burtu. Þá takur bara Nasa vinnan við aftur og ef ég á að segja eins og er hlakka ég til að byrja þar aftur. Finnst svo gaman að vinna þarna. Svo 11. maí fer ég aftur til Englands á 2 námskeið á vegum Monty Roberts. Verð þar í eina og hálfa viku. Alveg brjálað að gera. 

En ég nenni ekki að blogga meira kannski er þetta síðasta bloggið hérna úti ég held ég hafi ekki mikinn tíma til að blogga meira. Ætla samt að setja fleiri myndir inn héðan þegar ég er komin heim. Hún Sigrún sér um mín mál í tölvudeildinni og ætlar að gera það fyrir mig þessi elska.Æi ég nenni þessu ekki ég er ógesslega þreytt er ennþá á Kaliforníu tíma.

Bæ!

Ég veit þið öfundið mig en þið megið vera með mér í anda!! Hahaaaaaaaaaaaaaaaaaaa!!!!!!!!!

Svo verður farið til Ohio þegar við erum búnar í Kaliforníu á hestasýninguna..endalaust flakk á manni.. en ég fýla það.

Það er alveg sjúklega heitt núna 30 til 35 stiga hiti á daginn. Mikil breyting frá því fyrr í vetur. Það er ógesslegt að ríða út í þessu. Í dag lágum við bara í sólbaði og höfðum það næs en svo komum við heim og þá tók ég eftir því ég var brennd og með risastórt hlýrabola far! SEXY!! eða þannig.. Ég er sko farin að ríða út í bíkiníinu, öllum karlmönnunum sem eiga leið fram hjá búgarðinum til mikillar ánægju. Í bíkinítopp og reiðbuxum, finnst ykkur það ekki töff strákar! Það er sko ekki á hverjum degi sem þið sjáið það haaa!!

Svo erum við loksins búnar að fara á djammið og loksins fundum við almennilega næturklúbba ekki eitthvað írskt pöbbadrasl! Þetta heitir 4th street og er alveg mjög töffað þetta eru margir klúbbar saman með yfirbyggðu þaki og þetta er látið líta út eins og verslunarmoll, það er rúllustigi upp og barirnir gerðir soldið eins og maður sé að labba inn í fataverslun. Mjög töff! Okkur var sagt að á einum staðnum væri dansgólf með vatni undir og syndandi krókódíl sem mér finnst svoooo TÖFF en einhver var að ljúga því að okkur þar sem enginn vissi hvað við vorum að tala um. Sjittt hvað það væri flott að vera með syndandi krókódíl undir dansgólfinuá Nasa. Inga fara skoða það..!

Við fórum fyrst á veitingastað og byrjuðum að spjalla við þjónana og hvert við ættum að fara svo endaði það bara þannig að þjónarnir komu bara með okkur á djammið! Þeir áttu  ekki orð yfir fegurð íslenskra kvenna og ákváðu að afskrifa allar amerískar stelpur því við værum svo miklu meira COOL en þær eins og þeir orðuðu það. Mér finnst ekki skrítið þeir hafi misst sig svona yfir okkur þar sem ég get ekki sagt það sé mikið af fallegu fólki hér mest bara einhverjir rednecks ( Bara svona upp á djókið þá ætla ég að asnast til að segja ykkur að fyrir mjög stuttu hélt ég að redneck væri fótboltalið) en ég er náttla algjör brandarakall. Það var mikið hlegið að vitleysunni í mér.

Æi já í dag var mikill sorgardagur.  Það dó yndisleg meri í morgun. Við Villa fórum í morgun og ætluðum að smala hrossunum af túninu heim í hesthús þá tekur Villa eftir að ein merin stendur með afturlöppina alblóðuga og laflausa. Löppin dinglaði bara á henni. Þetta var ógeð! Dýralæknirinn kom og sagði það væri ekki hægt að bjarga henni. Það yrði að fella hana þetta væri það slæmt. Hann sagði að líklegast hefði annað hross sparkað í hana á ofanverða löppina og hún brotnað og það hefði kannski verið hægt að bjarga því en málið er að þau panikka ef það er sparkað í þau og þau brotna og byrja að hrista löppina og þá brotna þau meira. Ohh ég vorkenndi henni so geðveikt þetta var svo falleg og góð meri. Það átti að sýna hana á kynbótasýningu í sumar og hún var rosa efnileg. Auðvitað kemur þetta alltaf fyrir bestu hrossin aldrei kemur neitt fyrir bikkjurnar! Við gáfum henni fóðurbæti og nammi síðustu mínúturnar hennar svo svæfði læknirinn hana. Það er rosalegt að horfa upp á þetta. Hún datt bara niður og dó.

 Samt það er svo skrítið þó að hjartað er búið að vera stopp í nokkrar mínútur þá starfa vöðvarnir og taugarnar ennþá og svo fórum við Villa að skoða löppina þegar hún var dáin og allt í einu blés hún úr nösunum og það kom svona hljóð sem ég get ekki lýst. Og Villu brá svo hún öskraði og hljóp í burtu eins og hrædd hæna! Það var klikkað fyndið ég hló og hló.

Ég meina ég hef alveg oft horft upp á hross svæfð og deyja og meira segja horft upp á hross skotin í hausinn fyrir framan mig þegar ég var lítil fjósastelpa í Skagafirði en ég bara gat ekki að því gert ég bara fór pínu að grenja. Ekki mikið ég þurfti náttla að halda kúlinu haha. Ég réð ekkert við þetta tárin streymdu bara niður.

En það skrýtna við þetta er að hún dó í dag mánudag og eigendurnir voru hérna á föstudaginn að prófa hana og komnir svaka langa leið til að sjá og prófa hana og voru ekki búin að sjá hana í marga mánuði og svo einum degi seinna er hún bara dáinn. Þau voru nýlent heima hjá sér nýkomin héðan og fyrsta símtalið er að hún er bara dáinn. Þau rétt náðu að sjá hana í síðasta skipti. Mér finnst þetta rosa spes. Eitthvað svona örlagadæmi.

 En hún er á betri stað núna og er örugglega dauðfegin að það er ekki meira tvítaumsþjálfun hjá Anítu haha.

En til að tala um eitthvað skemmtilegra þá fórum við Villa á djammið á laugardaginn. Fórum fyrst á ítalskan veitingastað og spurðum barþjóninn hvert væri skemmtilegast að fara. Hun gaf okkur addressu og við tókum leigubíl þangað. Við löbbuðum og löbbuðum og það eina sem við sáum voru bara einhverjir írskir pöbbar. Þá kom í ljós við vorum í einhverjum írskum bæ og það var allt kreisí af því það var einhver seint patricks day sem við vitum ekkert hvað er. Svo sagði einhver gaur okkur frá annarri götu þar væru fullt af flottum næturklúbbum og þangað færi allt flotta fína fólkið. ÞANGAÐ VILDI ÉG FARA! En það var ekki hægt því klukkan var orðin 2 og allt að loka. Við erum skoo að fara þangað næstu helgi.

Á sunnudeginum vorum við bara rólegar fórum ekki einu sinni að versla en fórum um kvöldið á japanskan veitingastað og svo í bíó.

  Klukkunni var flýtt um einn klukkutíma um daginn þannig núna er ég bara 4 klukkutímum á eftir íslandi. Þetta ruglaði mig alveg í ríminu að flýta svona klukkunni ég vissi ekki lengur hvort það var dagur eða nótt hahahaha!

Heyyy já svo er ég komin með my space síðu. Tékkiði á henni myspace.com/anitamagga

Hæ hæ! Það er ekkert svakalega mikið að frétta héðan núna nema ég og Villa erum búnar að vera liggjandi í mollunum allar helgar. Meira að segja afgreiðslufólkið er farið að heilsa okkur með nafni og þegar við löbbum inn í búðirnar þá heyrir maður ´´hey the icelandic girls´´. En það er ekkert hægt að fara í búðir hérna og ætla ekki að versla neitt því maður finnur alltaf eitthvað nýtt. Við vorum í Macys í gær og það var geðveikt gaman ég elska þessa búð hún er geðveik.

Maður er ekki búinn að vera neitt svakalega duglegur á djamminu ég veit ekki hvað er að gerast fyrir mig ég er bara dottin úr öllu djammstuði kannski er ég bara að fullorðnast ha ha!! Nei ég veit ég á eftir að vera ógesslega dugleg að djamma þegar ég kem heim. En ég held að ástæðan fyrir því að maður nennir ekki á djammið hérna er að það lokar allt 2!! Og manni finnst bara ekki taka því að djamma. Maður þarf þá að byrja miklu fyrr á kvöldin en við erum alltaf í mollunum til 10 á kvöldin þannig það hefur ekkert tekið því að fara. Svo er maður líka svo þreyttur eftir svona búðaráp maður nennir ekkert að djamma eftir á. Það fer enginn smá orka í að versla. Við kíktum bara í bíó í gær og sáum Wild Hogs veit ekki hvort hún er sýnd heima en hún var geðveikt fyndin ég hef sjaldan hlegið svona mikið á mynd áður nema kannski á Borat. En næsta helgi ætlum við að djamma og núna stöndum við við það. Við ætlum ekkert að versla neitt næsta laugardag þannig maður hafi orku fyrir djammið.

Við förum til San Fransisco fyrsu helgina í apríl og verðum frá fimmtudegi til mánudags. Við ætlum að heimsækja Lauru, hún er með tamningamiðstöð þar með íslenskum hestum og við ætlum að ríða út á ströndinni, fara í búðir náttla og ÞÁ VERÐUR FARIÐ Á DJAMMIÐ OG TEKIÐ Á ÞVÍ!! Svo eftir við komum heim þaðan þá förum við beint til Ohio að sýna á stærstu hestasýningu ever! En við verðum bara með dagsýningar ekki kvöldsýningar. Mér finnst það ekkerrt smá leiðinlegt!  Það er svo ógesslega gaman að sýna á kvöldsýningunum. Það á eitthvað að hvíla íslenska hestinn af því hann er búinn að vera öll síðustu ár á þessari sýningu og þeir vilja eitthvað breyta til en hann á að vera næsta ár aftur.

  En annars erum við bara búnar að vera að ríða út og temja á fullu. Það er búið að hlýna ekkert smá mikið og á föstudaginn var 20 stiga hiti og ég var alveg að kafna á baki. Og þetta er ekkert miðað við hvað á eftir að verða heitt. Ég ætla að fara ríða út með svitaband á hausnum ha ha! Það mundi vera fyndið. Nei djók algjör lúði.Heyri í ykkur!

Vá ég hef engan tíma fyrir þetta blogg lengur. Það er búið að vera brjálað að gera. Syningin er búin  og vááááá hvað það var gaman! Þetta toppaði allt! Þetta var geeeððveiikkt!! Það voru 8000 manns að horfa á okkur. En ókei ég ætla að byrja á byrjuninni það er svo klikkað mikið að segja. Á laugardeginum komu Ísó og Hákon frá Íslandi til að vera með á sýningunni og Laura kom um kvöldið en hún býr í Kaliforníu og við Villa erum að fara þangað um næstu helgi að leika okkur by the way. Ég þekkti Lauru hún var á Hólum og talar reiprennandi íslensku.

 Á sunnudeginum, mánudeginum og  þriðjudeginum vorum við að æfa prógrammið á fullu. Við fengum lánaða reiðhöll hérna rétt hjá hjá forríku fólki til að æfa okkur í. Á mánudeginum kom Villa loksins um kvöldið eftir að hafa misst af fluginu frá New York ha ha! Á þriðjudeginum var svo afmælið mitt! Mánudagsmorgunin var ég vakin með pottum og pönnum af Ísói og Hákoni eftir að þeir fréttu að ég væri ekki morgun manneskja og ætti erfitt með að vakna á morgnana. Á afmælisdeginum læddust allir inn til mín og var ég vakin með pottum og pönnum, afmælislúðrum og afmælisöng, ég fékk Brats afmælisköku í rúmið, troðið upp í mig risastórum sleikjó, sett á mig húfu sem ég fékk í gjöf og húla hopphringur og Hákon opnaði handa mér ískaldan bjór.... klukkan 8.49 um morguninn. Já svo fékk ég líka blóm hí hí!Gígja tók myndir af þessu ég reyni að setja þær inn það er bara svo mikið vesen.Það var ekki gert meira á þessum stórmerkilega afmælisdegi þar sem það var svo mikið að gera út af sýningunni. Vorum bara að gera allt klárt setja dótið í kerruna og æfa.

Svo klukkan 6.00 næsta morgun vöknuðum við og fórum af stað upp í hesthús og settum hestana á kerruna og lögðum af stað 9 hálf 10 og keyrðum í 10 tíma. Við keyrðum í gegnum Cincinnati, Ohio og Vestur Virginíu. Á fimmtudeginum var svo general prufan. Þetta var alveg geðveikt stór sýning mörg þúsund manns þarna. En það voru bara 4 eða 5 aðilar sem voru að sýna á sýningunni fyrir utan okkur. Það voru Tommy Turvey sem er horse extremist og hann gerir allan fjandann á hestum svona trix og brellur. Hann lætur hestana standa og sitja á rassgatinu eins og hunda,leggjast í rúm og breiða yfir sig, stendur á 2 hestum meðan þeir hlaupa og stökkva yfir eld!! Það var ótrúlegt að sjá þetta..ég hélt ég yrði ekki eldri. Á þessari sýningu voru bara frægustu hestamenn í Ameríku að sýna.. þar á meðal ég hí hí!! 

En svo átti að vera svona smá djók í opnunaratriðinu. Af því við vorum einu´´útlendingarnir´´ á sýningunni þá átti að gera smá grín í íslendingunum en við áttum að labba inn bara í venjulegum reiðfötum og halda í hestana okkar og þulurinn átti að segja eitthvað ´hey hvað eruð þið að gera hérna akkuru eruð þið ekki tilbúin sýningin er að byrja´´? Og þá átti að Guðmar að segja af því við erum íslendingar!! og eitthvað svona bull hann átti að blaðra eitthvað á íslensku voða fyndið. Það átti að gera eitthvað grín að kæruleysinu í íslendingunum. En það fyndna við þetta er að sýningarstjórinn lét mig hafa macdonalds hamborgara!! Og ég átti að borða hamborgarann þarna á miðju sýningar gólfi og þykjast vera voða kærulaus og ekkert að flýta mér að gera mig til. En þetta misheppnaðist algjörlega á föstudeginum vegna þess það heyrðist ekkert í Guðmari bara þulinum þannig ég stóð þarna með hamborgarann alveg eins og asni FYRIR FRAMAN 8000 MANNS!! og enginn fattaði brandarann. Sem betur fer var hætt við þetta á laugardagssýningunni.Typíst ég!! Ohh!!

Við vorum líka með dagssýningar þar sem við vorum að sýna gangtegundirnar hjá íslenska hestinum og hvað hann er geðgóður. Gerðum allskonar æfingar krossgang, framfótasnúning, sniðgang, sveigjustopp, bauga, hraðabreytingar og fullt. Öll hestakynin voru með bás niðri á sýningarsvæði og við vorum með íslenskan hest í stíu og fólk gat komið og klappað honum. Vorum með bæklinga um íslenska hestinn og sýndum vidjó af honum.  En kvöldsýningarnar voru geðveikar!! Ohh þið hefðuð átt að vera þarna þetta var svo flott!!!! Við vorum með flotta hesta, með flotta músík, í flottum búningum, við stelpurnar með glimmer augnskugga dauðans og glimmer kinnalit og með glimmer í hárinu og svo settum við glimmer á hestana í faxið og taglið og á lendina þannig þeir glitruðu í ljósinu. Og ég get ekki lýst fagnaðarlátunum. Að heyra 8000 manns öskra á þig og standa upp fyrir þér er geggjað!! Fólk alveg trylltist! Maður fær svo mikið kick úr þessu ég alveg fýlaði mig í tætlur! Ég var í svo miklum fíling ég alveg öskraði og veifaði til áhorfenda... ohhh...Svo vorum við með endur inn komu þar sem við vorum klöppuð upp aftur og þar riðum við í breiðfylkingu og veifuðum og brunuðum svo út á tölti og skeiði. Svo nokkrum atriðum seinna var Guðmar með einkashow þar sem hann reið inn með stjörnuljós á öllum löppunum á hestinum og allt slökkt. Ógesslega flott!!Svo í endann á sýningunni riðu allir sýnendur inn á í einu. Þetta var endaatriðið. Og þá riðum við hringinn á vellinum og þá komu áhorfendurnir neðst út með hendurnar og maður gaf give me 5 á allan hringinn. Allir voru ´´you are amazing, awesome´´ og allt þetta ameríska bla bla bla. 

 Svo síðast en ekki síst þá komu allir til manns og báðu um eiginhandaráritun. Jaháá ég er að segja ykkur það ég er orðin stjarna í ameríku! Það voru mest litlir krakkar sem komu með blöð og báðu mann um að skrifa og margir báðu mann um að skrifa á peysuna sína. Það safnaðist svona hringur í kringum okkur og maður var á fullu að skrifa nafnið sitt handa fólki. Soldið skrýtið he he...En já þetta var ævintýri. Ég er búin að meikaða í Ameríku hí hí.. nei djók.

En þetta er orðið svo langt það nennir enginn að lesa þetta ábyggilega..Við Villa erum að fara að versla í mollinu á morgun og svo á djammið. Við fórum aðeins á djammið eftir laugardagssýninguna í Harrisburg þar sem við vorum en málið er að hérna lokar allt djamm klukkan 2!! GLATAÐ!!Ég reyni að setja inn myndir af sýningunni og öllu en það er bara svo erfitt þetta blog central er svo mikið drasl!Svo erum að Villa að fara til San Fransisco næstu helgi að heimsækja Lauru en meira um það seinna.  STAY TUNED!!!!!!!!!!!!!!!!!!!

Ég vildi bara láta vita ad síminn minn með ameríska númerinu er eitthvad bilaðurþað er ekki hægt að hringja í mig og ég get ekki hringt en ég get fengið sms en get ekki sent. Það  er eitthvað að en hef ekki tíma til að láta laga þetta. Læt svo í mérheyra þegar ég er komin heim frá sýningunni með myndir og segi ykkur meira frá afmælinu mínu og vááá ekkert smá að segja frá þar!!

Ekkert lítið comeback hér á ferð. Eftir að magavöðvarnir hafa legið í dvala í smá tíma eftir að hafa bara verið á námskeiðum í Englandi og vera lesa bækur fyrir námið. Maður er orðin eins og fitness kellingarnar, fyrir utan brúnkukremið, allur þvílíkt skorinn og massaður eiginlega og mikið. Fitness kellingarnar eru ógesslegar að mínu mati líta út alveg eins og ofsteiktir kjúklingar. En svona verður maður af tamningunum og að lyfta heyböggum og bera vatnsfötur.

 Villa kemur á mánudaginn og þá líkur afvötnuninni ha ha þar sem ég var hálfgerður atvinnudjammari heima áður en ég kom hingað og er ekkert búin að djamma frá því ég kom. Búin að uppgötva að það er bara mjög þægilegt að horfa á vidjo á laugardagskvöldi og fara svo bara að sofa. Langt síðan ég prófaði það síðast. Svo mætir maður ferskur á djammið hér úti US and A! Við Villa alveg snarvitlausar!

 En sýningin er næstu helgi og undirbúningurinn í fullum gangi. Við erum búin að fá búningana þeir eru í svona Elvis Presley stíl en það er samt ekki Elvis Presley þema það verða bara að vera soldið svona áberandi búningar og svona yfirdrifið af því ameríkanar fíla það. Það mundi ekki ganga að vera bara í hvítum reiðbuxum og keppnisjökkum. Við stelpurnar verðum dáldið kúl. Við verðum í svörtum samfestingi með gyllt belti og gyllt hárband með glimmer augnskugga og kinnalit. Það verður að vera soldið to much ameríkanarnir fýla ekki venjulegt. Strákarnir verða líka í svörtum samfestingi með gyllta skikkju og kannski sólgleraugu ekki alveg ákveðið.Við erum að velja lagið núna. Erum að reyna að finna eitthvað lag sem er grípandi og geðveikt flott svo fólk fái gæsahúð þegar það sér okkur.hí hí.. Svo er bara fara æfa prógrammið við sýnum skrautreið förum í alls konar slaufur og listir. En það er smá breyting ég verð ekki á Punkti á sýningunni hesturinn sem er á myndunum. Hann er nebbla seldur. Ég verð á brúnskjóttri lítilli meri sem heitir Ögrun og hún er klikkað flott. Við pössum vel saman við erum báðar litlar.

 Fórum í gærkvöldi til Tennessee en það er fylki fyrir neðan Kentucky að sækja hestakerru og 3 hross. Vorum 10 tíma allt í allt!!! Lögðum af stað 8 um kvöldið og komum 6 í morgun..ég var alveg búin á því. En ætla ekki hafa þetta lengra heyrumst!!!!